Me rastin e shënimit të 35-vjetorit të shpalljes së Malit të Zi si shtet ekologjik, Sekretariati për bujqësi, mbrojtjen e mjedisit dhe administrimin e ujërave i Komunës së Tuzit organizoi një takim dhe diskutim të hapur me përfaqësuesit e bashkësive lokale nga territori i Komunës së Tuzit.
Tema e takimit ishte „Sfidat ekologjike në komunitetet tona”, me fokus në çështjet e mbrojtjes së mjedisit dhe sfidat e tjera me të cilat qytetarët përballen çdo ditë.
Në takim, përveç sekretarit të Sekretariatit përkatës, mr. Aleksandar Memçeviq, morën pjesë edhe drejtori i shoqërisë „Komunale” Sh.p.k., Albian Sinishtaj, dhe drejtori i Monumentit Natyror „Kanioni i Cemit”, Adnan Dresheviq.
Gjatë diskutimit, përfaqësuesit e bashkësive lokale patën mundësinë të paraqesin problemet dhe nevojat më të rëndësishme të komuniteteve të tyre, të theksojnë sfidat konkrete në terren dhe të japin propozime për zgjidhjen e tyre.
Theks i veçantë i është kushtuar rëndësisë së veprimit të përbashkët të vetëqeverisjes lokale, bashkësive lokale dhe qytetarëve, si dhe mundësive për përmirësimin e cilësisë së jetës dhe ruajtjen e mjedisit në territorin e Tuzit.
Falënderojmë përfaqësuesit e bashkësive lokale të Sukruqit, Drumës, Rakiqit dhe Dheut të Zi për pjesëmarrjen, përfshirjen aktive dhe diskutimin konstruktiv. Kontributi dhe propozimet e tyre kanë vlerë të veçantë për një njohje më të mirë të nevojave të qytetarëve dhe për përcaktimin e masave konkrete për përmirësimin e mjedisit dhe të cilësisë së jetës në komunitetet tona.
Dialogu i hapur dhe komunikimi i drejtpërdrejtë me qytetarët dhe përfaqësuesit e bashkësive lokale përbëjnë një hap të rëndësishëm drejt krijimit të një komuniteti lokal më të pastër, më të rregulluar dhe më të shëndetshëm.
